Gagana Samoa/Samoan *
* Users may need to install language specific fonts to view these pages
Fa'asino i le Tusigaigoa o le 2010
Ina ia taualoa i aiaiga fa'ale malo aemaise i auaunaga mana'omia mo se lumana'i mautu i totonu o o tatou faiganu'u, e ao ona tatou iloa ma malamalama i le fa'ata'atiaga, ō tatou ma lo tatou atunu'u. O le mafua'aga lea o le tusigaigoa.
E faitauina e le Tusigaigoa a le U.S. tagata uma i totonu o le Iunaite Setete. Ua aiaia e le Mata'upu 1, Vaega 2 o le Tulafono Fa'avae, ma fa'ataunu'uina i le ta'i 10 o tausaga. O fa'amaumauga a le tusigaigoa e iloa ai le numera o nofoa o sui mo setete ta'i to'atasi i totonu o le Maota o Sui a le U.S. O nei fo'i fa'amaumauga o le tusigaigoa e fa'aoga e Setete ma faigamalo fa'a-faiganu'u, e fa'avae ai faigamalo fa'a-itumalo - aofia ai itumalo fa'a-Konekarase, fono faitulafono i setete, fono fa'a-faiganu'u po'o taulaga, pulega fa'a-a'oa'oga i itumalo - ina ia mautinoa o lo'o taualoa tagata lautele i vaega uma o le malo.
Ae ua le gata i lea, o fa'amaumauga a le Tusigaigoa ua fa'aoga e faasoaina ai le piliona o alagatupe a le feterale mo faigamalo fa'a-faiganu'u aua auaunaga ese'ese i tausaga uma, e aofia ai:
- Auaunaga fa'a-fa'alavelave Tupu-Fa'afuase'i
- Auaunaga fa'ale Soifua Maloloina
- A'oga
- Auala
- Maota o tagata matutua ma le anoa'i o isi mea.
O le Tusigaigoa o le 2010 o se fa'atinoga maoa'e lea i lona fa'agaoioiina ua molimauina i totonu o lo tatou atunu'u. Ia Mati o le 2010, sa tufaina ai se pepa pu'upu'u o ni fesili e 10, i aiga uma le gata i le U.S. ae sa fa'apea fo'i Pueto Riko. Tusa ma le 74 pasene o aiga sa toe lafo mai a latou pepa o fesili o le tusigaigoa i le meli, ae o le isi vaega o aiga, sa faitauina e le aufaigaluega o ē sa savalia auala i nu'u ma faiganu'u i le Iunaite Setete atoa.
