Thuɔŋjäŋ/Dinka *
* Users may need to install language specific fonts to view these pages
Wɛ̈t ë kuën ë kɔc 2010
Ku bë kɔc nïɛ̈c thɔ̈ɔ̈ŋ nyïn ë luɔɔi ë thiatha yic, ku loilooi bë akutnhïïmkuɔ ke wïc ë kölcëën, alëu buk jal kɔn deetic yoku yïï ŋa ke wo ye baai. Yen awïc ye bë nɛŋ kuën ë kɔc.
Kuën ë kɔc Amerika (U.S) e raan ëbën tɔ̈u Amerika kueen. Aye löŋ mac baai, yäär nhom 1, abaŋ ë 2 lueel ë lɔn bï yeen alooi te cï ruön thiär thök. Wël cï keek kuöötiic ë kuën ë kɔc yic keek aaye thöc bi wilaya tök keek lööm ɣön ë kɔc lueel wël ke kɔc. Wilaya ku akumat mäɣäliya, aabi luuï aya ë wël ke kuën ë kɔc bi keek ajuiɛɛr de thiatha tekthok-aɣet tɛ̈ktɛ̈k de kɔŋgorɛth, ɣööt ke lööŋ ke wilaya, gɛu ku amanhom ë kauntï, amatnhom de maktɛɛb ë bɛ̈ï ke abun- në rin bi kɔc ŋïɛ̈c thɔ̈ɔ̈ŋ nyïn ë dhɔ̈l akuma yiic ëbën.
Ku ace kööc e tɛ̈ɛ̈n, wël cï kuöötiic ë kuën ë kɔc aye billiöön ë dollar ë miöc akumamatnhom ic tɛ̈k bɛi bï loilooi alooi ë ruön thok ëbën, aɣet.
- Loiloi ë kä cï röt tɛ̈ɛ̈m.
- Loilooi ë pial ë guöp.
- Bɛ̈i ke abun (thukuul).
- Dhöl ke thurumbiil (riath).
- Ɣän ë kɔc ci dhiɔp ku kɔ̈k juëc kɔ̈k.
Kuën ë kɔc ë 2010 yen ë luɔɔidiit tet ë ci kɔc baai ke yiic mat thin. Pen diäk ë 2010, athör cek nɔŋic thiëc ka thïär e cï ɣäth ë baai yic ëbën Amerika ku Puerto Riko. Ku këcit 74 ë buɔɔtic e cï athör akuën kënë dhuök cëën ë dhöl ë athöör; bɛ̈i cï döŋ ake cï kɔc akuën ke kueen, cɛthke bɛ̈i yiic Amerika yic ëbën.
