Cebuano *
* Users may need to install language specific fonts to view these pages
Mahitungod sa Sensus sa 2010
Aron makuha ang patas nga politikanhong representasyon ug mga serbisyo sa atong mga komunidad nga gikinahanglan para sa mas lig-on nga kaugmaon, kinahanglan usa nato masabtan kung kinsa kita isip usa ka nasud. Mao nga adunay usa ka sensus.
Giihap sa Sensus sa U.S. ang kada lumulupyo sa Estados Unidos. Sugo kini sa Artikulo I, Seksyon 2 sa Konstitusyon, ug mahitabo sa kada 10 ka tuig. Ang datos nga gikolekta sa sensus motino sa kadaghanon sa mga representante sa kada estado nga aduna sa Kongreso sa U.S. Gamiton usab sa mga gobyerno sa estado ug lokal ang sensus aron masuta ang mga pulitikal nga hurisdiksyon - apil ang mga distrito sa Kongreso, mga lehislatura sa estado, mga konseho sa lungsod o lalawigan, ug mga distrito sa konseho sa eskuwelahan - nga gisiguro ang patas nga representasyon sa kada lebel sa gobyerno.
Apan dili kini muhunong niini. Gamiton ang datos sa sensus sa paghatag sa mga bilyon nga dolyar sa pederal nga mga pondo sa mga lokal nga komunidad para sa mga sebisyo sa kada tuig, apil ang:
- Mga serbisyo sa emerhensiya
- Mga serbisyo sa pag-atiman sa panglawas
- Mga Eskuwelahan
- Mga Kalsada
- Mga sentro sa tigulang ug daghan pa
Ang Sensus sa 2010 ang pinakadakong sibikong pagsalmot nga kalihokan nga nasaksihan sa atong nasud. Sa Marso sa 2010, gihatud ang mubo nga porma sa 10-pangutana sa kada panimalay sa U.S. ug Puerto Rico. Mokabat 74 porsiyento sa mga panimalay ang nagbalik sa ilang porma sa sensus pinaagi sa koreyo; giihap ang nahibilin nga mga panimalay sa mga trabahador sa sensus nga naglakaw sa mga silinganan sa tibuok Estados Unidos.
